Pistorius segist hafa verið ástfanginn af kærustunni

Oscar Pistorius, spretthlauparinn þekkti, segist hafa verið mjög ástfanginn af kærustunni sinni og ekki haft neinar fyrirætlanir um að myrða hana. Þetta sagði Pistorius þegar hann mætti fyrir dómara í dag.

Saksóknarar fullyrða að Pistorius hafi vaknað upp og sett á sig gervifætur og gegnið sjö metra áður en hann skaut í gegnum baðherbergisdyr og myrti unnustu sína. Gerrie Nel saksóknari fullyrti fyrir dómara í morgun að Pistorius hefði skotið fjórum skotum að Reeva Steenkamp í gegnum lokaðar dyr.

Saksóknarar leggjast gegn því að Pistorius verði látinn laus gegn greiðslu tryggingagjalds, en þeir gruna hann um morð af yfirlögðu ráði.