Bayern ætlar ekki að bjóða í Neymar

Brasilíumaðurinn ungi, Neymar, er orðaður við fjölda félaga í Evrópu um þessar mundir en eitt er orðið ljóst. Hann fer ekki til þýska liðsins Bayern München.

Neymar hefur undanfarna daga meðal annars verið orðaður við Bayern en Uli Höness, forseti Bayern, hefur útilokað að kaupa Brassann.

"Ég held að á næstu árum munum við ekki kaupa jafn dýran leikmann og Javi Martinez," sagði Höness en Bayern greiddi 40 milljónir evra fyrir Martinez.

Neymar verður samningslaus eftir HM árið 2014.