Gylfi og félagar til Sviss

Gylfi Þór Sigurðsson og félagar hans í Tottenham drógust gegn svissneska liðinu Basel í fjórðungsúrslitum Evrópudeildar UEFA.

Chelsea, ríkjandi Evrópumeistari, fer enn og aftur til Austur-Evrópu en liðið mætir nú Rubin Kazan. Liðið mætti Sparta Prag í 32-liða úrslitunum og Steaua Búkarest í 16-liða úrslitunum.

Newcastle þarf að fara til Portúgals og þá munu Fenerbahce og Lazio eigast við. Dregið verður í undanúrslit keppninnar eftir að fjórðungsúrslitunum er lokið.

Evrópudeild UEFA:

Chelsea - Rubin Kazan

Tottenham - Basel

Fenerbahce - Lazio

Benfica - Newcastle

Leikirnir fara fram dagana 4. og 11. apríl næstkomandi.