Higuain er púslið sem vantar hjá Juve

Argentínumaðurinn Gonzalo Higuain er efstur á óskalista Ítalíumeistara Juventus en liðið vill fá heimsklassamarkaskorara í sínar raðir.

Fabio Cannavaro, fyrrum varnarmaður Juve og Real Madrid, segir að Higuain sé rétti maðurinn fyrir Juve.

"Higuain er stórkostlegur leikmaður. Ég spilaði með honum hjá Real og hann er leikmaðurinn sem getur gert gæfumuninn fyrir Juve. Ég vona að hann komi," sagi Cannavaro.

"Juventus er á uppleið í Evrópuboltanum og með alvöru markaskorara eru liðinu allir vegir færir."

Cannavaro er landsleikjahæsti leikmaðurinn í sögu Ítalíu en hann spilaði 136 landsleiki og var fyrirliði liðsins sem vann HM árið 2006.