Fótbolti

Isco og Ronaldo afgreiddu Athletic Bilbao

Kristinn Páll Teitsson skrifar
Cristiano Ronaldo varð að rífa sig upp snemma í morgun.
Cristiano Ronaldo varð að rífa sig upp snemma í morgun.
Real Madrid vann öruggan 3-1 sigur á Athletic Bilbao á Santiago Bernebau í dag. Real Madrid hefur nú unnið alla þrjá leiki sína á tímabilinu.

Isco sem kom til Real frá Malaga fyrir tímabilið heldur áfram að blómstra í búningi Madrídarmanna. Isco skoraði fyrsta og þriðja mark Real í leiknum og hefur nú skorað þrjú mörk og lagt upp eitt í þremur leikjum.

Cristiano Ronaldo komst einnig á blað með skalla eftir hornspyrnu Angel Di Maria rétt fyrir hálfleiks. Þetta var fyrsta mark Ronaldo á tímabilinu. Bilbao klóraði í bakkann þegar tæplega tíu mínútur voru til leiksloka með marki Ibai Gomez en nær komust þeir ekki.

Real Madrid lyfti sér upp fyrir Barcelona með sigrinum en Barcelona mætir Valencia á Mestalla í kvöld.

Spænski boltinn

Mest lesið


Fleiri fréttir

Sjá meira


×

Mest lesið