Birkir lék ekkert í jafntefli Sampdoria

Birkir Bjarnason var ónotaður varamaður þegar Sampdoria og Torino skildu jöfn 2-2 í ítölsku A-deildinni í fótbolta í dag.

Gianluca Sansone kom Sampdoria yfir á 41. mínútu og var staðan 1-0 í hálfleik.

Ciro IOmmobile og Alessio Cerci komu Torino yfir í seinni hálfleik en á þriðju mínútu uppbótartíma tryggði Éder Sampdoria stig með marki úr vítaspyrnu.

Undir lok fyrri hálfleiks töldu leikmenn Sampdoria sig hafa skorað mark sem svo taldi ekki. Sampdoria átti aukaspyrnu. Boltinn var sendur inn á teig þar sem liðið náði að skora en rétt áður hafði dómarinn flautað til hálfleiks og því taldi markið ekki.

Sampdoria er í þriðja neðsta sæti deildarinnar með aðeins þrjú stig úr 7 leikjum en liðið en enn án sigurs. Torino er í 9. sæti með 9 stig.