Hamilton fljótastur í Kóreu

Bretinn Lewis Hamilton  var fljótastur á tveimur fyrstu æfingunum  fyrir Kóreu kappaksturinn, sem fram fer um helgina.

Á fyrstu æfingunni var heimsmeistarinn Sebastian Vettel ekki nema 0.037 sek. á eftir Hamilton og Mark Webber rétt þar á eftir.

Kimi Raikkonen missti stjórn á Lotus bílnum  undir lok æfingarinnar  og klessti harkalega á  í síðustu beygju brautarinnar.

Á seinni æfingunni var Hamilton 0.108 sek. á undan Vettel  og liðsfélagi Hamilton, Nico Rosberg var þriðji fljótastur 0.016 sek á eftir Vettel.

Tímatakan fyrir Kóreu kappaksturinn hefst kl.04.50 í fyrramálið, og keppnin á sunnudagsmorgun kl. 05.30