Totti verður klár um miðjan nóvember

Ítalski framherjinn Francesco Totti tognaði illa  aftan í læri í leik með Roma gegn Napoli í ítölsku úrvalsdeildinni í knattspyrnu og er enn frá vegna þeirra meiðsla.

Eftir skoðun í dag kom í ljós að læknar liðsins eru bjartsýnir að leikmaðurinn snúi til baka fyrir leikinn gegn Cagliari 25. nóvember.

Þessi 37 ára leikmaðurinn hefur verið hjartað í Roma-liðinu síðastliðin áratug og er liðinu gríðarlega mikilvægur.

Roma hefur samt sem áður aldrei farið betur af stað í deildinni en liðið er í efsta sætinu með 27 stig eftir níu leiki, eða fullt hús stiga.