Gasol vildi gefa mikið af peningum

Spánverjinn Pau Gasol, leikmaður LA Lakers, lofaði því fyrir leikinn gegn Golden State í gær að hann myndi gefa 120 þúsund krónur í hjálparstarf á Filippseyjum fyrir hvert stig sem hann skoraði.

Gasol var greinilega áfjáður í það að gefa peninga í gær því hann skoraði 24 stig en hefur verið með um 13 stig að meðaltali í leik í vetur.

Spánverjinn góðhjartaði mun því setja um 3 milljónir króna í hjálparstarfið í Filippseyjum og veitir ekki af.

Gasol var stigahæstur í liði Lakers og sá til þess að liðið vann sigur í leiknum.