Bíó og sjónvarp

Stikla úr þriðju þáttaröð Girls

HBO-sjónvarpsþáttaserían vinsæla GIRLS gaf í dag út stiklu fyrir þriðju þáttaröðina sem er væntanleg von bráðar.

Í stiklunni er að finna ýmsar ráðleggingar um lífið frá höfundi og aðalleikkonu þáttanna, Lenu Dunham.

Þátturinn var valinn besta gamanþáttaröðin á Golden Globe-verðlaunaafhendingunni í byrjun árs. Höfundur þáttanna og aðalleikkona, Lena Dunham, var einnig valinn besta leikkonan á hátíðinni.

Girls-þættirnir fjalla um vinkvennahóp sem elur manninn í draumaborginni New York og áhorfendur fá að fylgjast með aðstæðum þeirra, samskiptum við hitt kynið, baráttunni við starfsframann og fleira. 

Skvísurnar eru allar á þrítugsaldri og fyrir hópnum fer Hannah Horvarth sem leikin er af Lenu Dunham. Dunham er jafnframt hugmyndasmiðurinn, handritshöfundur þeirra og framleiðandi. Hún vann einnig til verðlauna fyrir leikstjórn á "pilot"-þættinum fyrir þáttaröðina.

„Gossip Girl fjölluðu um unglinga í betri hverfum Manhattan. Sex and the City fjölluðu um konur sem voru komnar með starfsframann á hreint og vildu fara að leggja drög að fjölskyldumyndun. Það er einn hópur kvenna á milli þessarra aldursskeiða sem á alveg eftir að fjalla um,“ sagði Dunham í viðtali um hugmyndina að baki Girls.

Golden Globes


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.