Sex mörk á fyrsta klukkutímanum í jafntefli Inter og Parma

Internazionale og Parma gerðu 3-3 jafntefli í lokaleik dagsins í ítölsku úrvalsdeildinni í fótbolta í kvöld en leikurinn fór fram á Stadio Giuseppe Meazza í Mílanó.

Nicola Sansone tryggði Parma jafntefli þremur mínútum eftir að Internazionale hafði skorað tvö mörk á tveimur mínútum. Sansone skoraði einnig fyrsta mark leiksins á tíundu mínútu en þriðja mark Parma skoraði Marco Parolo.  Öll sex mörk leiksins komu á fyrstu 59 mínútu leiksins.

Argentínumaðurinn Rodrigo Palacio skoraði tvö mörk fyrir Internazionale en þriðja markið skoraði Kólumbíumaðurinn Fredy Guarín.

Internazionale mistókst að nálgast efstu liðin en liðið er nú 4. sæti með 28 stig eða fjórum stikgum minna en Napoli sem er í 3. stig. Juventus er með 40 stig og þriggja stiga forskot á Roma á toppnum.

Internazionale hefur ekki tapað í síðustu 8 deildarleikjum sínum en fimm af leikjunum hafa endað með jafntefli þar tveir þeirra 3-3.