Matseðill fyrir fátæka námsmenn

Ragnar Pétursson matreiðslumaður á Vox setti saman kvöldmatarseðil fyrir tvo í eina viku fyrir 6.382 kr. Stúdentaráð reiknaði það út fyrir stuttu að námsmaður á námslánum gæti aðeins eytt 1.300 krónum á dag í mat. Meðalkvöldmáltíð á eftirfarandi matseðli kostar 911 kr. Þá eru eftir 389 kr. fyrir aðrar máltíðir dagsins. Það dugar líklega heldur skammt, en þó má benda á að maturinn er hugsaður fyrir tvo og því mætti borða helming matarins sem hádegismat daginn eftir.

Allir ættu að búa svo vel að eiga lárviðarlauf, matarolíu, mjólk, hveiti, salt og pipar. Þess vegna var það ekki keypt í þessari verslunarferð. Athugið að sumt af því sem var keypt í þessari innkaupaferð nýtist áfram í búið, þannig að ef eldað er eftir sama matseðli aftur kostar það minna í næsta skipti.



Mánudagur: Hjörtu í sósu með silkimjúkri kartöflumús

Þriðjudagur: Tómatpasta með ólívum og hvítlauksbrauði

Miðvikudagur: Frönsk lauksúpa

Fimmtudagur: Spicy-kjúklingavængir með gráðostasósu og sætum kartöflum



Föstudagur: Smjörsteiktur saltfiskur með blómkálsmauki, eplum og rófum

Laugardagur: Kálbögglar með gulrótum og lauksmjöri



Sunnudagur: Niçosie-salat