Inter vann loksins

Inter lagði Sassuolo 1-0 í kvöldleik ítölsku A-deildarinnar í fótbolta.  Walter Samuel skoraði eina mark leiksins á 48. mínútu. Fyrsti sigur Inter frá því í desember staðreynd.

Inter hafði leikið fimm leiki án sigurs þegar flautað var til leiks í kvöld og var komið niður í sjötta sæti en fór í fimmta sætið á ný með sigrinum þar sem liðið er með betri markatölu en Emil Hallfreðsson og félagar í Hellas Verona.

Það vakti nokkra athygli að þegar flautað var til leiks í kvöld var enginn Ítali í byrjunarliði Inter en allir byrjunarliðsleikmenn Sassuolo komu frá heimalandinu.

Sassuolo er í 18. sæti, fallsæti, með 17 stig eftir 23 umferðir.