LeBron James nefbrotinn eftir höggið frá Ibaka

LeBron James, leikmaður NBA-meistara Miami Heat, er nefbrotinn eftir högg sem hann fékk á andlitið á fimmtudaginn.

SergeIbaka, leikmaður Oklahoma City Thunder, sló LeBron í andlitið þegar sá síðarnefndi reyndi að keyra að körfunni og yfirgaf hann völlinn alblóðugur.

Eftir myndatöku í gær kom í ljós að LeBron er nefbrotinn og er óvíst hvort hann verður með liðinu þegar það tekur á móti Chicago Bulls á morgun.

Ákvörðun um hvort hann taki þátt í leiknum verður tekin þegar nær dregur en ekki er ólíklegt að LeBron verði hvíldur á morgun.

Hann skoraði 33 stig í 103-81 sigri Miami á Oklahoma en síðustu stigin skoraði LeBron einmitt þegar Ibaka nefbraut hann.