Endurheimt á Algarve | Myndir

Stúlkurnar okkar í kvennalandsliðinu í knattspyrnu æfðu í dag á Algarve fyrir annan leik sinn á Algarve-mótinu en þær mæta Noregi á morgun.

Ísland tapaði fyrir Evrópumeisturum Þýskalands, 5-0, í gær og fær aðeins einn dag í endurheimt áður en það mætir silfurliði Evrópumótsins frá síðasta sumri.

Í dag þurftu stúlkurnar að safna kröftum fyrir erfiðan leik eftir að hafa verið undir í baráttunni gegn frábæru liði Þýskalands í gær.

Norska liðið tapaði nokkuð óvænt fyrir Kína í gær og má því búast við spennandi leik á morgun en leikurinn hefst klukkan 14.00 að íslenskum tíma.

Hér að neðan má sjá myndir sem Hilmar Þór Guðmundsson tók á æfingu kvennalandsliðsins á Algarve í dag.