Atletico Madrid heldur sínu striki

Atletico Madrid er komið með 70 stig í spænsku úrvalsdeildinni í fótbolta eftir 0-2 sigur á Real Betis í dag. Bæði mörkin komu í seinni hálfleik.

Atletico náði þar með Real Madrid að stigum en Real fær Barcelona í heimsókn í kvöld og getur þar náð þriggja stiga forystu á nýjan leik.

Bryan Rodriguez leikmaður Betis fékk að líta rauðaspjaldið á 56. mínútu og nýtti Atletico liðsmuninn til fullnustu.

Gabi kom Atletico yfir á 58. mínútu og Diego Costa bætti öðru marki við sex mínútum síðar og þar við sat.

Real Betis er í neðsta sæti deildarinnar og ljóst að fall blasir við liðinu.