Emil skoraði í jafntefli Verona

Emil Hallfreðsson kom Verona í 2-0 gegn Udinese í ítölsku A-deildinni í fótbolta en Verona missti forystuna niður í jafntefli og tapaði dýrmætum stigum baráttunni um Evrópusæti.

Luca Toni kom Verona yfir með marki úr vítaspyrnu á 14. mínútu og staðan í hálfleik 1-0.

Emil skoraði eftir níu mínútna leik í seinni hálfleik en tveimur mínútum síðar minnkaði Antonio di Natale muninn. Emmanuel Agyemang-Badu jafnaði metin í uppbótartíma og tryggði Udinese gott stig á útivelli.

Udinese siglir lygnan sjó rétt fyrir neðan miðja deild en Verona er í 9. sæti með 54 stig og er einu stigi frá sæti í Evrópudeildinni en liðin í kringum liðið eiga leik til góða í dag og á morgun og því ólíklegt úr þessu að Verona komist í Evrópukeppni.