Fisher mun taka við Knicks

Fjölmiðlar í Bandaríkjunum greina frá því í kvöld að Derek Fisher verði næsti þjálfari NBA-liðsins, NY Knicks.

Félagið á enn eftir að staðfesta þessi tíðindi en meðal annars Yahoo! Sports segist hafa öruggar heimildir fyrir því að Fisher hafi samþykkt tilboð félagsins.

Fisher, sem var að leggja skóna á hilluna, hefur verið eftirsóttur. Hann var einnig sagður koma til greina sem næsti þjálfari LA Lakers.

Hinn nýráðni forseti Knicks, Phil Jackson, tókst aftur á móti að sannfæra Fisher um að New York væri rétti staðurinn fyrir hann.

Fisher og Jackson eru miklir félagar frá þeim tíma er Jackson þjálfaði Fisher hjá LA Lakers.