Raunveruleikastjarna leikur Whitney Houston

Yaya DaCosta, sem tók þátt í þriðju seríu af raunveruleikaþáttunum America's Next Top Model hefur verið valin til að leika söngkonuna heitnu Whitney Houston í nýrri kvikmynd, I Will Always Love You: The Whitney Houston Story.

Yaya lenti í öðru sæti í America's Next Top Model en hún hefur getið sér gott orð í leiklistarbransanum síðan þá og leikið meðal annars í kvikmyndunum The Butler og Tron: Legacy.

Leikkonan Angela Bassett leikstýrir myndinni um Whitney sem frumsýnd verður á næsta ári.

Í myndinni verður meðal annars fjallað um ástarsamband söngkonunnar og tónlistarmannsins Bobby Brown en samband þeirra var afar stormasamt.