Sjáðu sigurmark Atla | Myndband

Atli Jóhannsson skoraði stórglæsilegt mark í 3-2 sigri Stjörnunnar á Motherwell í undankeppni Evrópudeildarinnar í gær. Atli skoraði sigurmarkið í framlengingu og heldur Evrópuævintýri Stjörnumanna áfram.

Motherwell komst tvisvar yfir í leiknum en heimamenn náðu að jafna metin og þurfti að grípa til framlengingar til að útkljá leikinn.

Mark Atla kom í seinni hluta framlengingarinnar en það er eitt af mörkum ársins á Íslandi og tryggði Stjörnunni á sama tíma sæti í 3. umferð undankeppninnar.