Eibar hafði betur í Baskaslag | Alfreð ekki með

Real Sociedad beið óvæntan ósigur gegn nýliðum Eibar í fyrstu umferð spænsku úrvalsdeildarinnar í kvöld. Javi Lara skoraði eina mark leiksins á lokamínútu fyrri hálfleiks.

Eibar er að leika sitt fyrsta tímabil í efstu deild, en þetta litla lið frá Baskalandi vann 2. deildina í fyrra.

Alfreð Finnbogason lék ekki með Sociedad í kvöld, en hann er enn að jafna sig eftir að hafa farið úr axlarlið fyrr í mánuðinum.

Þess má einnig geta að allir 22 leikmennirnir sem byrjuðu inn á leiknum í kvöld eru Spánverjar.