Vilborg sátt en svöng eftir leiðangurinn

Vilborg Arna Gissurardóttir, pólfari, komst upp á sjötta hæsta fjallatind heims síðastliðinn fimmtudag, tind fjallsins Cho Oyu í Tíbet. Hún hefur sett sér það markmið að klífa sjö hæstu tinda heims, einn í hverri heimsálfu.

Vilborg komst á tindinn án aðstoðarmanna en tindurinn er  8.201 m hæð. Hún segir á Facbook síðu sinni að leiðangurinn hafi reynt talsvert á en að félagi hennar, Atli Pálsson, hafi þurft frá að hverfa vegna hæðarveiki í annarri umferð hæðaraðlögunar á fjallið.

Hún segist hafa lært margt á leiðangrinum og viðurkennir það fúslega að það sé heljarinnar mál að framkvæma slíkan leiðangur án utanaðkomandi aðstoðar. Segir hún mikið álag fylgja ferðum sem þessum, andlega og líkamlega. Þá segist hún ánægð með ferðina en heldur svöng.

Hér að neðan má sjá færslu Vilborgar.

Innlegg frá Vilborg Arna Gissurardóttir.