Fjórtán stuðningsmenn Krasnodar mættu í Guttagarð

Þeir stuðningsmenn Krasnodar, lið Ragnars Sigurðssonar, sem mættu á Goodison Park í gær hljóta að teljast með þeim harðari í heiminum.

Leikurinn skipti nákvæmlega engu máli og Everton spilaði nánast á unglingaliðinu sínu í leiknum. Krasnodar var þegar úr leik.

Þrátt fyrir það lögðu fjórtán stuðningsmenn Krasnodar á sig mikið ferðalag til þess að sjá leikinn. Þurftu þeir að taka tvö flug og lest.

Forráðamenn Everton voru svo hrifnir af þessum metnaði að þeir buðu stuðningsmönnunum upp í VIP-stúkuna þar sem eiginkonur leikmanna Krasnodar og stjórnarmenn voru.

Þar fengu strákarnir frítt að borða og drekka. Kunnu þeir vel að meta það.

14 Krasnodar fans have made the long journey to Goodison so we've put them up in an @EvertonOptimum lounge for the game. Enjoy your stay!

— Everton (@Everton) December 11, 2014