Þrenna frá Kobe í sigri Lakers | Myndbönd

Alls voru leiknir tíu leikir leikir í NBA-körfuboltanum í nótt og ber þar hæst að nefna sigur Los Angeles Lakers á Denver Nuggets þar sem Kobe Bryant lék afar vel.

Lakers sem hefur ekker gengið sérlega vel á leiktíðinni og tapað alls 22 leikjum af 32 í vetur vann nokkuð óvæntan sigur á Denver, 111-103. Kobe Bryant fór á kostum, en hann skoraði 23 stig, tók ellefu fráköst og gaf ellefu stoðsendingar.

Meisturunum í San Antonio Spurs gengur ekki vel, en þeir töpuðu fyrir Memphis sem var að vinna sinn annan leik í röð og situr á toppi suðvestur-deildarinnar. Þeir töpuðu í nótt fyrir Memphis 87-95. Marcio Belinelli og Cory Joseph voru stigahæstir hjá San Antonio með 18 stig, en Mike Conley fór á kostum hjá Memphis og skoraði 30.

Portland vann Toronto í framlengdum leik, en lokatölur urðu 102-97 Portland í vil. Staðan eftir venjulegan leiktíma var 87-87, en Portland-menn reyndust sterkari í framlengingunni. Damian Lillard var stigahæstur með 26 stig hjá Portland, en hjá Toronto var það Kyle Lowry með 25 stig.

Minnesota tapaði sínum níunda leik í röð í þótt þegar liðið beið í lægri hlut fyrir Utah á heimavelli, en lokatölur 100-94. Shabazz Muhammed fór á kostum í liði Minnesota, en hann skoraði 30 stig. Gordon Hayward og Trey Burke voru jafnstigahæstir í Utah, báðir með 26 stig.

Golden State heldur áfram að gera það gott, en þeir unnu sinn 25 leik í kvöld af 30. Þeir gjörsamlega keyrðu yfir Philadelpiu 76ers, en lokatölur urðu 126-86, 40 stiga munur. Marreese Speights var stigahæstur hjá Golden State með 23 stig, en hjá Philadelpiu var það Henry Sims með 19.

Öll úrslit næturinnar sem og myndbönd má sjá hér að neðan.

Úrslit næturinnar:

Detroit Pistons - Orlando Magic 109-86

Phoenix Suns - New Orleans 106-110

Toronto - Portland 97-102

Cleveland - Atlanta 101-109

Washington - Dallas Mavericks 87-114

Philadelphia - Golden State Warriors  86-126

Brooklyn Nets - Chicago Bulls 96-82

Los Angeles Lakers - Denver Nuggets 111-103

San Antonio Spurs - Memphis Grizzlies 87-95

Minnesota - Utah 94-100

Golden State-menn með takta: Wiggings með Alley-Oop: Þristur og villa, takk: Góð vörn, en stoðsendingin kannski ekki eins góð: