Aníta tekin í lyfjapróf eftir methlaupið sitt

Aníta Hinriksdóttir setti nýtt Íslands- og Evrópumet í dag þegar hún tryggði sér með glæsibrag sæti í undanúrslitunum í 800 metra hlaupi kvenna á EM innanhúss í Prag.

Aníta kom í mark á 2:01.56 mínútum og sló metið sitt frá því febrúarbyrjun sem var 2:01.77 mínútur.

Aníta gaf þó ekki farið strax upp á hótel eftir hlaupið sitt því hún var tekin í lyfjapróf eftir hlaupið.

Gunnar Páll Jóakimsson, þjálfari Anítu, var að bíða eftir henni þegar Vísir heyrði í honum í dag.

Gunnar Páll segir að þau Aníta hafi fengið mikið af hamingjuóskum með Evrópumetið eftir hlaupið í dag.

Aníta var langyngst af keppendunum í 800 metra hlaupinu og því vakti árangur hennar mikla athygli enda aðeins hin rússneska Yekaterina Poistogova sem hljóp á betri tíma.