Casillas: Það ver mig enginn með því að setja mig á bekkinn

Iker Casillas er hættur að botna í allri umræðunni um hvort hann eigi að vera í byrjunarliði Real Madrid eða ekki.

Real Madrid er fjórum stigum á eftir Barcelona í titilbaráttunni á Spáni og vill markvörðurinn einbeita sér að því að komast aftur á toppinn.

Casillas spilaði vel í 2-0 sigri Real á Rayo Vallecano í gær og var enn eina ferðina eftir leik spurður hvort hann ætti að verma tréverkið um næstu helgi gegn Eibar til að vernda hann frá bauli lítils hóps stuðningsmanna Real.

„Þjálfarinn velur liðið. Við virðum allar ákvarðarnir hans en málið er að við þurfum að vinna og vonast til þess að Barca tapi,“ sagði Casilla í viðtali við Canal plus.

„Það er enginn að verja mig með því að setja mig á bekkinn. Við höfum mikið talað um þetta. Þessi umræða er risastór utan félagsins en ekki innan þess. Það sem við gerum er að hvetja hvorn annan til að vinna leiki,“ sagði Iker Casillas.