Pavel og Hildur bestu leikmenn tímabilsins

Pavel Ermolinskij, leikstjórnandi KR, og Hildur Sigurðardóttir, leikstjórnandi Snæfells, voru kjörin bestu leikmenn tímabilsins í Dominos-deildum karla og kvenna á lokahófi KKÍ sem fór fram í Laugardalnum í hádeginu í dag.

Pavel var frábær í deildakeppninni þar til hann meiddist, en hann kom aftur inn í úrslitakeppninni og leiddi sitt lið til sigurs gegn Tindastóli í lokaúrslitunum.

Hann spilaði í heildina 24 leiki á tímabilinu og skoraði 11,4 stig að meðaltali í leik, tók 9,4 fráköst og gaf 8 stoðsendingar.

Annað árið í röð leiddi Hildur Sigurðardóttir Snæfelsstúlkur til Íslandsmeistaratitils, en hún var frábær á tímabilinu.

Hildur skoraði 13,5 stig að meðaltali í leikjunum 35 sem hún spilaði á tímabilinu, tók 9,3 fráköst og gaf 5,9 stoðsendingar.

Hún var mögnuð í lokaúrslitunum, sérstaklega á lokamínútunum í þriðja leiknum gegn Keflavík þar sem Snæfell tryggði sér Íslandsmeistaratitilinn.

Hildur lagði skóna á hilluna eftir tímabilið en kveður sem fimmfaldur Íslandsmeistari og besti leikmaður ársins.

Israel Martin, þjálfari Tindastóls, var kjörinn besti þjálfarinn, en hann kom nýliðum Tindastóls í lokaúrslitin þar sem Stólarnir töpuðu gegn KR, 3-1.

Ingi Þór Steinþórsson, þjálfari Snæfells, var kjörinn bestur í kvennadeildinni, en hann gerði Snæfellsliðið að deildar- og Íslandsmeisturum.

Michael Craion var kjörinn besti erlendi leikmaðurinn í Dominos-deild karla og Kristen McCarthy best í Dominos-deild kvenna.

Hér að neðan má sjá öll verðlaunin og úrvalsliðin sem einnig voru tilkynnt á lokahófinu í dag.

Dominos-deild karla:

Besti leikmaður: Pavel Ermolinskij, KR

Besti erlendi leikmaðurinn: Michael Craion, KR

Þjálfari ársins: Israel Martin, Tindastóll

Varnarmaður ársins: Darri Hilmarsson, KR

Besti ungi leikmaðurinn: Pétur Rúnar Birgisson, Tindastóll

Prúðasti leikmaðurinn: Darri Hilmarsson KR

Lið ársins:

Grétar Ingi Erlendsson, Þór Þorlákshöfn

Darrel Lewis, Tindastóll

Helgi Már Magnússon, KR

Logi Gunnarsson, Njarðvík

Pavel Ermolinskij, KR

Dominos-deild kvenna:

Besti leikmaður: Hildur Sigurðardóttir, Snæfell

Besti erlendi leikmaðurinn: Kristen McCarthy, Snæfell

Þjálfari ársins: Ingi Þór Steinþórsson, Snæfell

Varnarmaður ársins: Gunnhildur Gunnarsdóttir, Snæfell

Besti ungi leikmaðurinn: Sara Rún Hinriksdóttir, Keflavík

Prúðasti leikmaðurinn: Hildur Sigurðardóttir, Snæfell

Lið ársins:

Bryndís Guðmundsdóttir, Keflavík

Sara Rún Hinriksdóttir, Keflavík

Petrúnella Skúladóttir, Grindavík

Gunnhildur Gunnarsdóttir, Snæfell

Hildur Sigurðardóttir, Snæfell

Besti dómarinn í Dominos-deildunum: Sigmundur Már Herbertsson

1. deild karla:

Besti leikmaður: Ari Gylfason, FSu

Besti ungi leikmaðurinn: Erlendur Ágúst Stefánsson, FSu

Þjálfari ársins: Viðar Hafsteinsson, Höttur

Lið ársins:

Hreinn Gunnar Birgisson, Höttur

Fannar Freyr Helgason, ÍA

Örn Sigurðarson, Hamar

Hlynur Hreinsson, FSu

Ari Gylfason, Fsu

1. deild kvenna:

Besti leikmaður: Bryndís Hanna Hreinsdóttir, Stjarnan

Besti ungi leikmaðurinn: Eva Margrét Kristjánsdóttir, KFÍ

Þjálfari ársins: Sævaldur Bjarnason, Stjarnan

Lið ársins:

Bríet Lilja Sigurðardóttir, Tindastóll

Eva Margrét Kristjánsdóttir, KFÍ

Eva María Emilsdóttir, Stjarnan

Erna Hákonardóttir, Njarðvík

Bryndís Hanna Hreinsdóttir, Stjarnan