Stuðningsmennirnir björguðu mótherjum KR frá gjaldþroti

KR og Cork City frá Írlandi mætast í seinni leik liðanna í fyrstu umferð forkeppni Evrópudeildarinnar í fótbolta á Alvogen-vellinum klukkan 19.15 í kvöld.

Cork City er nokkuð merkilegt félag, en stuðningurinn við það er magnaður og er það í eigu stuðningsmanna félagsins.

Fyrir fimm árum síðan stefndi allt í gjaldþrot þegar ríkur eigandi félagsins keyrði upp allar skuldir, en stuðningsmennirnir björguðu því og reka það í dag.

Hér að ofan má sjá stutta heimildamynd um þetta merkilega félag sem spilar svo í Frostaskjólinu í kvöld.

Leikurinn verður í beinni útsendingu á Stöð 2 Sport í kvöld og í beinni textalýsingu á Vísi.