Fótbolti

Miðasala á leikinn gegn Kasakstan hefst á þriðjudaginn

Ingvi Þór Sæmundsson skrifar
Íslensku strákarnir eru í frábærri stöðu í A-riðli undankeppni EM 2016.
Íslensku strákarnir eru í frábærri stöðu í A-riðli undankeppni EM 2016. vísir/ernir
Miðasala á landsleik Íslands og Kasakstan í undankeppni EM 2016 hefst á þriðjudaginn klukkan 12:00 og fer fram í gegnum miðasölukerfi hjá midi.is.

Leikurinn fer fram sunnudaginn 6. september en þetta er þriðji síðasti leikur Íslands í A-riðli undankeppninnar. Ísland sækir Holland heim fimmtudaginn 3. september og svo koma íslensku strákarnir heim og taka á móti Kasökum.

Ísland vann fyrri leik liðanna í Astana með þremur mörkum gegn engu.

Eftir eru um 5000 miðar á leikinn er fram kemur á heimasíðu KSÍ.

Miðasala á leikinn við Kasakstan fór af stað fyrir mistök 10. júlí síðastliðinn en þá seldust 85 miðar.

EM 2016 í Frakklandi

Mest lesið


Fleiri fréttir

Sjá meira


×

Mest lesið