Coe er nýr forseti Alþjóða frjálsíþróttasambandsins

Senegalinn Lamine Diack er ekki lengur forseti Alþjóða frjálsíþróttasambandsins. Bretinn Sebastian Coe hefur tekið við af honum.

Coe hafði betur gegn Úkraínumanninum Sergey Bubka er kosið var á alþjóðaþinginu í Peking. Coe fékk 115 atkvæði en Bubka 92. Coe er kosinn til fjögurra ára.

Þessi fyrrum langhlaupari hlaut gullverðlaun í 1.500 metra hlaupi á ÓL árin 1980 og 1984.

„Ég er þakklátur og auðmjúkur að hafa fengið þessa útnefningu," sagði Coe.

Hans bíður ærinn starfi að lyfta frjálsum íþróttum upp á fyrra plan eftir stórfelldar ásakanir um lyfjamisnotkun í íþróttinni.