Segir Emil einn vanmetnasta miðjumanninn á Ítalíu

David Amoyal, penni á EPSN, segir að Emil Hallfreðsson sé einn af vanmetnustu miðjumönnum ítölsku úrvalsdeildarinnar.

David birti þetta tíst sitt á Twitter-síðu sinni þegar Emil lagði upp mark Hellas Verona í 1-1 jafntefli gegn Roma, en Bosko Jankovic skoraði markið.

Nokkrir notendur taka undir með David, en hann hefur verið að skrifa pistla á EPSN auk þess sem hann sér um eina af undirsíðum Sky Sport á Ítalíu.

Hann er með rúmlega 550 þúsund fylgjendur á Twitter svo þarna er um virtan blaðamann að ræða. Emil var stoðsendingakóngur ítalska boltans á síðasta tímabili og byrjar vel á þessu tímabili.

Tístið má sjá hér að neðan.

Halfredson- one of the most underrated midfielders in Serie A

— David Amoyal (@DavidAmoyal) August 22, 2015