Rasta-flétturnar mættar aftur

Ritstjórn skrifar 7. október 2015 11:15

Þegar flestir heyra orðið rastafléttur eða „cornrows“ hugsa þeir með hryllingi til Mallorcaferða í kringum aldamótin, þegar fátt var flottara en að koma heim með vel fléttaðan hausinn.

Þessar litlu fléttur hafa hinsvegar verið að skjóta upp kollinum víða undanfarið ár, og núna síðast á sýningu Louis Vuitton fyrir sumarið 2016. Og ef Louis segir að það sé í lagi, þá hlýtur það að vera í lagi.

Nú er bara að finna sína útfærslu, hvort sem þær eru fastar eða litlar inn á milli í slegnu hárinu, og byrja að rokka litlu rastaflétturnar.