Ronda æfir á hótelherberginu sínu

Í nýjasta þætti af Embedded, upphitunarþætti fyrir UFC 193, fáum við að kíkja inn á hótelherbergi hjá Rondu Rousey.

Hún er búin að koma sér upp smá æfingaaðstöðu þar og nýtir augljóslega hverja mínútu í að æfa sig. Inn á milli gefur hún viðtöl og áritar plaköt.

Ronda viðurkennir einnig í þættinum að andstæðingur hennar um helgina, Holly Holm, sé flott stelpa sem væri verðug þess að taka við titlinum af henni þegar hún hættir. Hún vill þó ekki að fólk spái í því þá hvort Holm sé betri og því verði hún að vinna hana núna.

Í þættinum fáum við einnig að fylgjast með öðrum keppendum og Bigfoot Silva er meðal annars í vandræðum með illa lyktandi próteinbrúsa.

Bardagakvöldið er í beinni á Stöð 2 Sport aðfararnótt sunnudags. Hægt er að tryggja sér áskrift á 365.is.