Enn eitt jafnteflið hjá Emil og félögum

Emil Hallfreðsson og félagar í Hellas Verona gerðu enn eitt jafntefli í ítölsku seríu A-deildinni í knattspyrnu í dag þegar liðið mætti Sassuolo og fór leikurinn 1-1.

Emil var að venju í byrjunarliðinu og lék fyrstu sextíu mínútur leiksins. Sergio Floccari kom gestunum yfir á 35. mínútu leiksins en Luca Toni náði að jafna nokkrum mínútum síðar fyrir Verona.

Þannig lauk leiknum en Verona hefur núna gert átta jafntefli í deildinni og er það með átta stig í neðsta sætinu. Sassuolo er í 6. sæti með 27 stig.

Hér að neðan má sjá úrslit dagsins:

Carpi 2 - 3 Juventus

Atalanta 1 - 3 SSC Napoli

Fiorentina 2 - 0 ChievoVerona

Hellas Verona 1 - 1 Sassuolo

Roma 2 - 0 Genoa