Kínverskum kauphöllum lokað eftir skarpt verðfall

Kauphöllunumum í Sjanghæ og Shenzhen var lokað eftir skarpar verðlækkanir í nótt. Vísitalan í Kauphöllinni í Sjanghæ lækkaði um 6,9 prósent og verðlækkanirnar í Shenzhen urðu 8 prósent, en þar eru mörg tæknifyrirtæki skráð.

Hlutabréfaviðskipti voru til að byrja með stöðvuð í 15 mínútur eftir 5 prósenta verðfall en þegar verðfallið hélt áfram var ákveðið að loka Kauphöllinni snemma.

Lokunin er hluti af nýjum reglum sem innleiddar voru í desember til að hindra of hratt verðfall í kjölfar mikilla verðlækkana í sumar á kínverskum hlutabréfamarkaði.

Ein af ástæðum verðfallsins nú er talin vera áhyggjur af kínverskum verksmiðjum eftir að nýjar tölur um framleiðslu þeirra ullu vonbrigðum, samkvæmt því sem fram hjá BBC.