Atlético Madrid og Valencia síðustu liðin inn í átta liða úrslitin

Atlético Madrid og Valencia tryggðu sér sæti í átta liða úrslitum spænska konungsbikarsins eftir sigra í seinni leikjum sínum í sextán liða úrslitum.

Atlético Madrid vann 3-0 heimasigur á Rayo Vallecano og þar með 4-1 samanlagt en liðið gerðu 1-1 jafntefli í fyrri leiknum.

Lærisveinar Gary Neville unnu 3-0 útisigur á Granada og þar með 7-0 samanlagt.

Argentínumaðurinn Ángel Correa og Frakkinn Antoine Griezmann (2 mörk) skoruðu mörk Atlético Madrid en vörn liðsins hélt enn á ný hreinu í kvöld.

Antoine Griezmann hefur þar með skorað fimmtán mörk á leiktíðinni eða þrefalt meira en næstmarkahæsti leikmaður liðsins.

Wilfried Zahibo, Paco Alcácer og Pablo Piatti skoruðu mörk Valencia.

Atlético Madrid og Valencia bættust þar með í hóp með Sevilla, Mirandés, Celta Vigo, Athletic Bilbao, Barcelona, Las Palmas sem höfðu komist áfram í gær og í fyrradag.