Van Gaal: Liverpool átti þetta skilið

Louis van Gaal, stjóri Man. Utd, byrjaði á því að hrósa stuðningsmönnum Liverpool eftir tap sinna manna í kvöld.

„Ég verð að segja að stuðningsmenn Liverpool bjuggu til andrúmsloft sem var stórkostlegt,“ sagði Hollendingurinn en hans menn voru teknir í bakaríið í kvöld

„Liverpool spilaði mjög vel í fyrri hálfleik og við réðum ekki við þá. Daved de Gea var frábær. Við fengum á okkur ódýrt víti en breyttum í seinni hálfleik. Vorum meira með boltann en sköpuðum ekki nóg af færum.

„Þeir skoruðu annað ódýrt mark og það var rangstöðumark. Erfitt að taka því. Þetta eru erfið úrslit fyrir okkur en við verðum að skapa svona stemningu á okkar heimavelli eftir viku. Liverpool átti þetta skilið í kvöld.“