Boston skoraði aðeins sjö stig í fyrsta leikhluta

Tveir leikir fóru fram í úrslitakeppni NBA-deildarinnar í nótt og voru þeir lítt spennandi.

San Antonio vann sannfærandi sigur á Memphis og Atlanta lenti heldur ekki í neinum vandræðum með Boston.

Boston sló vafasemt met í leiknum í nótt er liðið skoraði aðeins 7 stig í fyrsta leikhluta. Aldrei áður hefur lið skorað eins lítið í einum leikhluta í úrslitakeppninni.

Atlanta varði einnig 15 skot í leiknum sem er það sjötta mesta í sögu úrslitakeppninnar. Var vel við hæfi að Dikembe Mutombo væri í stúkunni að fylgjast með.

Úrslit:

Atlanta-Boston  89-72

Atlanta leiðir einvígið, 2-0.

San Antonio-Memphis  94-68

San Antonio leiðir einvígið, 2-0.