Alvarez rotaði Khan | Sjáðu rothöggið svakalega

Saul Alvarez rotaði breska hnefaleikakappann Amir Khan í sjöttu lotu þegar þeir börðust um WBC beltið í millivigt í Las Vegas í nótt.

Þessi 29 ára hnefaleikamaður fór upp um tvo þyngdarflokka til að berjast við Alvarez og var Khan mun sterkari fyrstu fimm loturnar.

Aftur á móti náði Alvarez rosalegu höggi á Khan þegar 23 sekúndur voru liðnar af sjöttu lotunni og steinlág Bretinn.

Mexíkóinn Alvarex hefur nú unnið 47 bardaga og í 33 af þeim hefur hann rotað andstæðing sinn. Hér að neðan má sjá myndband af rothögginu frá því í nótt.