Strákarnir kvöddu í stífpressuðum jakkafötum | Myndir

Íslenska karlalandsliðið í knattspyrnu fór á morgun til Frakklands en brottför var frá Hilton hótelinu í Reykjavík klukkan 9.30 í morgun.

Það var létt yfir hópnum við brottförina en allur hópurinn var í glæsilegum sérsaumuðum jakkafötum með merki KSÍ saumað í brjóstvasann.

Hópurinn fór út með leiguflugi til frönsku borgarinnar Chambery en þaðan er aðeins um klukkustundarakstur til Annecy þar sem liðið mun hefja undirbúning sinn fyrir fyrsta leik sinn, gegn Portúgal í St. Etienne á þriðjudag.

Fréttamenn, myndatökumenn og ljósmyndarar 365 munu vitanlega gera mótinu góð skil og hefst reglubundinn fréttaflutningur frá Frakklandi á föstudag.