Sjáðu strákana fagna með vinum og fjölskyldu í leikslok

Það hefur vart farið framhjá nokkrum Íslendingi að í gærkvöldi vann íslenska karlalandsliðið í knattspyrnu sigur á Englendingum í útsláttarkeppni Evrópumótsins í Frakklandi.

Sigurinn kostaði Roy Hodgson, landsliðsþjálfara Englendinga, starf sitt en tryggir okkar mönnum leik gegn Frökkum í átta liða úrslitum í París á sunnudag.

Gleðin var skiljanlega gríðarlega mikil í leikslok í gær en einn áhorfandi náði þessu myndskeiði af landsliðsmönnum Íslands að fagna með vinum og fjölskyldu í stúkunni eftir leikinn.

Ekta gæsahúðarmyndband sem óhætt er að mæla með fyrir þá sem fá ekki nóg af sigurvímunni.