Barcelona að ná í enn einn sóknarmanninn

Þó svo að sóknarlína Barcelona sé ein sú öflugasta í heimi með þá Lionel Messi, Luis Suarez og Neymar fremsta í flokki vill stjórinn Luis Enrique styrkja hana enn frekar.

Paco Alcacer er nú á leið frá Valencia en hann gekkst undir læknisskoðun í morgun og stóðs hana.

Alcacer hefur skorað 24 mörk á síðustu tveimur tímabilum með Valencia og hefur verið í sigtinu hjá Enrique í allt sumar.

Talið er að Barcelona muni greiða 30 milljónir evra fyrir sóknarmanninn, jafnvirði 3,9 milljarða króna, en þar að auki er talið að annar sóknarmaður, Munir El Haddadi, muni fara til Valencia á láni út tímabilið.