Barcelona rúllaði yfir Gijon

Barcelona gjörsamlega valtaði yfir Sporting Gijon í spænsku úrvalsdeildinni í knattspyrnu í dag. Leikurinn fór fram á EL Molinon-vellinum sem er heimavöllur Gijon og fór hann 5-0 fyrir Barca.

Staðan í hálfleik var 2-0 fyrir Barcelona og skoraði liðið þrjú mörk í þeim síðari. Sigur þeirra var aldrei í hættu og er gríðarlegur gæðamunur á þessum liðum.

Neymar gerði tvö mörk fyrir Barcelona og þeir Rafinha, Suarez og Turan voru með sitt markið hver.

Barcelona er í efsta sæti deildarinnar með 13 stig, jafnmörg stig og Real Madrid sem á leik til góða.