Melania Trump klæddist bleikri "pussy bow" blússu á kappræðunum

Það er af nægu að taka þegar fjalla skal um kappræður Hillary Clinton og Donald Trump í nótt og hægt að lesa allt um það hér en klæðaburður frú Trump er enn og aftur í umræðunni eftir gærkvöldið. 

Melania Trump klæddist svokallaðri "pussy bow blouse" eftir Gucci í bleikum lit sem er óneitanlega kaldhæðið í ljósi niðrandi ummæla eiginmanns hennar sem fóru flug fyrir helgi. 

Þar sagði hann meðal annars þetta : „Ég dregst bara sjálfkrafa að fallegum konum. Ég byrja bara að kyssa þær, eins og segull. Bara kyssi þær. Ég bíð ekki einu sinni. Þegar þú ert stjarna leyfa þær þér það. Þú getur gert hvað sem er. Gripið í píkuna á þeim. Þú getur gert hvað sem er.“ 

Bein þýðing á heitinu yfir þessa tegund af blússu á íslensku væri hreinlega píkuslaufublússa og verður því fatavalið í versta falli að kallast kaldhæðið hjá frú Trump. Ekki er vitað hvort þetta var meðvitað eða ekki en netverjar skemmtu sér að minnsta kosti.