Næst besta ár Ford

Bílaframleiðandinn Ford greindi í gær frá afkomu sinni á síðasta ári og kom í ljós að árið var það næst besta frá upphafi hvað hagnað varðar, en metárið var í fyrra. Undarlegt má þó þykja að þó svo þessi góði árangur hafi náðst var tap af síðasta ársfjórðungnum í fyrra.

Heildarhagnaður Ford í fyrra var 525 milljarðar króna og veltan 17.300 milljarðar króna og jókst um 1,3% frá árinu áður. Því var hagnaður af veltu um 3%, sem er umtalsvert minni hagnaðarhlutdeild en t.d. hjá flestum þýskum bílaframleiðendum. Ford er með 7,6% markaðshlutdeild af öllum bílamarkaði heimsins og minnkaði hlutur Ford um 0,1% á milli ára.

Mjög vel gekk á Evrópumarkaði og í Asíu í fyrra og varð methagnaður af sölunni í Evrópu og sá næstmesti frá upphafi í Asíu. Verr gekk þó á mörkuðunum í S-Ameríku, Miðausturlöndum og í Afríku og minnkaði sala á öllum þeim mörkuðum í fyrra á milli ára. Ford spáir því að minni hagnaður verði af rekstri þessa árs en í fyrra og mun það stafa af mestu af miklum fjárfestingum í ár.