Audi R8 sem "yellow submarine“ í hollensku síki

Þýskur eigandi Audi R8 ofursportbíls gleymir seint ferð sinni til Hollands. Ferð hans sem átti að verða mikil gleðiferð á 610 hestafla draumabílnum endaði ofan í síki nálægt borginni Utrecht. Eins og hollensku fjölmiðill í Utrecht orðar það þá varð “röng stýring bílsins” til þess að hann endaði ofan í síkinu og sökk þar til botns.

Ökumaðurinn komst út um glugga bílsins og varð ekki meint af en kvartaði yfir miklum kulda við björgunarfólk sem hjálpaði honum á slysstað. Bílnum öfluga var lyft uppúr síkinu skömmu eftir óhappið, en víst má telja að þessi bíll hafi skemmst mikið við að liggja í vatninu í dágóðan tíma.

Rafkerfi bíla seint að liggja umlukin vatni og einnig má búast við því að vél bílsins hafi hlotið skaða af, sem og innrétting hans. Vonandi er eigandinn vel tryggður því svona bílar eru ekki ódýrir og kosta um 200.000 dollara, eða tæpar 23 milljónir króna.