Spurs féll á enn einu Evrópuprófinu | Sjáðu markið

Ófarir Tottenham í Evrópukeppnum í vetur halda áfram en í kvöld tapaði liðið 1-0 fyrir Gent á útivelli í fyrri leiknum í 32-liða úrslitum Evrópudeildarinnar.

Jérémy Perbet skoraði eina mark leiksins með skoti af stuttu færi á 59. mínútu.

Tíu mínútum áður hafði Harry Kane átt skot í stöngina á marki Gent. Það var besta færi Tottenham í leiknum.

Hugo Lloris kom svo í veg fyrir að gestirnir fengju annað mark á sig þegar hann varði skot Danijels Milicevic í stöngina.

Seinni leikurinn fer fram á Wembley eftir viku.