„Messi er Barca og Barca er Messi“

Brasilíski framherjnn Neymar, leikmaður Barcelona, er harður á því að samherji sinn hjá Katalóníurisanum, Lionel Messi, skrifi undir nýjan samning og sé því ekki á leið frá Börsungum.

Samningaviðræður á milli Barcelona og Messi hafa staðið yfir í nokkurn tíma en þær ganga brösulega. Hann á eftir eitt ár og verður samningslaus eftir næsta tímabil.

„Messi mun endurnýja samninginn því Messi er Barca og Barca er Messi,“ segir Neymar við El Mundo Deportivo. „Ég held að við getum unnið þrennuna aftur og haldið honum ánægðum.

Neymar sjálfur hefur verið orðaður við brottför frá Barcelona en Manchester United er sagt tilbúið að greiða riftunarverð hans sem eru um 150 milljónir punda.

„Draumur minn var alltaf að spila fyrir Barcelona. Þegar ég var krakki var það sem ég vildi. Það besta við að spila fyrir Barcelona er að þessi draumur ættist,“ segir Neymar.