Forsetinn sigraði hæsta tind landsins

Guðni Th. Jóhannesson, forseti Íslands, gerði sér lítið fyrir og komst á topp Hvannadalshnjúks, hæsta tind landsins, í nótt. Tómas Guðbjartsson, hjartaskurðlæknir á Landspítalanum, birti mynd af þeim forsetanum á Facebook-síðu sinni þar sem þeir voru komnir á toppinn í miðnætursólinni.

Fyrir utan störf sín sem læknir hefur Tómas verið fararstjóri fyrir Ferðafélag Íslands. Því er líklega óhætt að segja að forsetinn hafi verið í góðum höndum á göngunni upp jökulinn.