Svona spilar Marshawn Lynch fótbolta | Myndband

Marshawn Lynch er einn allra besti hlaupari NFL-deildarinnar en þarf líklega að kynna sér knattspyrnulögin betur.

Lynch sló á létta strengi þegar hann kom inn á í góðgerðarleik á vegum MLS-liðsins Seattle Sounders í gær.

Hann og félagar hans óðu fram í sókn en við vítateigslínuna tók Lynch upp boltann og hélt á honum yfir marklínuna.

Lynch fékk vitanlega rautt spjald fyrir uppátækið en gaf lítið fyrir það og reif spjaldið af dómaranum.

Allt saman var þetta á léttu nótunum en myndband af þessu má sjá hér fyrir neðan.

.@MoneyLynch GOES FULL BEAST MODE! The former @Seahawks RB runs the into the net and then steals the ref's red card! #ZakAndFriends pic.twitter.com/d49sYovDnU

— Seattle Sounders FC (@SoundersFC) July 3, 2017